حزب البحر

کیا گھرانہ ہمارے جیش کا ہے
عالمانہ ہمارے جیش کا ہے

دل دوانہ ہمارے جیش کا ہے
دل ٹھکانہ ہمارے جیش کا ہے

باغِ فردوس میں مکیں ہو کر
مسکرانا ہمارے جیش کا ہے

دلنشیں دیکھ لو زمانے میں
آستانہ ہمارے جیش کا ہے

قصرِ باطل پہ بھی علم اونچا
فاتحانہ ہمارے جیش کا ہے

شاہِ برکات کا نشیمن ہی
پیر خانہ ہمارے جیش کا ہے

صلح کلی کے واسطے نشتر
ہر نشانہ ہمارے جیش کا ہے

جھوم کر کہتا ہے زمانہ اب
یہ زمانہ ہمارے جیش کا ہے

ہوگا گمراہ نہ کبھی ہرگز
جو دوانہ ہمارے جیش کا ہے

دل پہ ممتاز ہر گھڑی میرے
حاکمانہ ہمارے جیش کا ہے

ممتاز قادری نانپوری